नयाँ कुरो समाचार ।।
पाँचथरको तुम्बेवा आधारभूत विद्यालयले ब्याडमिन्टन प्रशिक्षण कार्यक्रम सञ्चालन गरेको छ ।
तुम्वेवा गाउँपालिका – ३, मौवामा रहेको उक्त विद्यालयले आफ्ना विद्यार्थीलाई ब्याडमिन्टन प्रशिक्षण कार्यक्रम सञ्चालन गरेको थियो ।
विद्यालयका करिब ३० जना विद्यार्थीलाई ब्याडमिन्टन प्रशिक्षक रोजन कार्की र एलिन रसाइलीले खेल सम्बन्धी प्रशिक्षण दिएका थिए ।
तुम्बेवा गाउँपालिकाले ३० लाख रुपैयाँभन्दा बढी खर्च गरेर बनाएको ब्याडमिन्टन हलमा प्रशिक्षण कार्यक्रम सञ्चालन गरिएको थियो ।
विद्यार्थीको सर्वाङ्गीण विकासलाई मध्यनजर गर्दै ब्याडमिन्टन खेल सम्बन्धी सैद्धान्तिक र प्रयोगात्मक ज्ञान प्रदान गरिएको विद्यालयका प्रिन्सिपल गणेश भण्डारीले जानकारी दिए ।
पछिल्लो समय पाँचथर जिल्लामा ब्याडमिन्टनको क्रेज बढ्दो क्रममा रहेको छ ।
