खविन लुइटेल ।। पाँचथरको फालेलुङ गाउँपालिका ५ मा विष्फोटक पदार्थ विस्फोट हुदा ३ जना बालबालिका घाइते भएका छन् ।
फालेलुङ गाउँपालिका वडा नं. ५ मा रहेको आइतराज केरुङको घरमा खेलिरहेका बालबालिका विष्फोटको काँरण घाइते भएका हुन् ।
घाइते मध्ये २ जनाको अवस्था गम्भिर रहेको जिल्ला प्रहरी कार्यालय पाँचथरका प्रमुख हेमन्त भण्डारी ले जानकारी दिनुभयो ।
घाइते बालबालिकामा स्थानीय दिलिप र पुजा सावाका ११ बर्षिय छोरा दिप्सन सावा र अढाइ बर्षिया छोरी प्रिन्सा सावा, त्यस्तै स्थानीय ज्ञान बहादुर राइका छोरा १० बर्षिय पवन राइ समेत घाइते भएका हुन् । विष्फोट भएको स्थानमा ४ जना बालबालिका खेलिरहेकोमा १ जनालाइ भने कुनै चोटपटक नलागेको स्थानीयले जानकारी दिएका छन् ।
आज दिउसो भएको घटनाका गम्भिर घाइतेलाइ जिल्ला अस्पताल पाँचथरमा प्राथमिक उपचार गरी थप उपचारको लागी झापा स्थित वि एण्ड सि अस्पतालमा पठाइएको छ ।
विस्फोट भएको बस्तु के थियो र घट्ना कसरी घट्यो भन्ने विषयमा अनुसन्धान भैरहेको जिल्ला प्रहरी कार्यालय पाँचथरले जनाएको छ ।
भिडियो ….
