ज्याेति भण्डारी ।। नेपाल पत्रकार महासंघ पाँचथर शाखाले नेपाल पत्रकार महासंघका पुर्व अध्यक्ष धर्मेन्द्र झा लाइ स्वतन्त्रता सेनानी सम्मान बाट सम्मानित गरेको छ ।
शाखाले हरेक बर्ष प्रदान गर्ने स्वतन्त्रता सेनानी सम्मानबाट नेपाल पत्रकार महासंघका पुर्व केन्द्रीय अध्यक्ष तथा राष्ट्रिय समाचार समितीका अध्यक्ष धर्मेन्द्र झा लाइ सम्मानित गरेको हो ।
यस्तै शाखाले यो बर्षको स्वर्गीय प्रजापति जाल्पादेवी खेलकुद पत्रकारिता पुरस्कारबाट नेपाल टेलिभिजनका पाँचथर सम्बाददाता विजयवोध लावती, स्वर्गिय हरिचरण भद्रमाँया पत्रकारिता पुरस्कारबाट रेडियो मितेरीका स्टेशन म्यानेजर खविन लुइटेल पुरस्कृत गरेको हाे ।
शाखाले यसै बर्षबाट सञ्चालन गरेको उत्कृष्ट फिचर लेखन विधातर्फको पुरस्कार कान्तिपुरका पाँचथर सम्बादाता लक्ष्मी गौतम र उत्कृष्ट फोटो विधातर्फ राससका पाँचथर सम्वाददाता रबिन्द्र काफ्लेलाइ प्रदान गरेको हाे ।
जनआन्दोलनको क्रममा गैरन्यानयिक थुनामा राखिएबापत नेपाल पत्रकार महासंघ प्रदेश १ का उपाध्यक्ष लवदेव ढुंगानाले प्राप्त गरेको क्षतिपुर्तीको रकम बाट कोष सुरु गरी शाखाले स्वतन्त्रता सेनानी सम्मान विरतण गर्दै आएको छ भने स्व;. प्रजापती जाल्पादेवी नेपाल खेलकुद पत्रकारिता पुरस्कार फिदिमका ब्यावसायी हरिप्रसाद नेपालले आफ्ना दिवंगत वुवा आमाको स्मरणमा र स्व; हरिचतरण भद्रमाया पत्रकारिता पुरस्कार फिदिमका ब्यावसायी नरेन्द्रप्दरसाद अधिकारीले आफ्ना दिवंगत बुबा आमाको स्मृतीमा स्थापना गर्नुभएको हो ।
प्राप्त गरेको रकम पत्रकार महासंघको राहत कोषमा जम्मा
यसैविच आफुले प्राप्त गरेको पुरस्कार रकम पत्रकारहरु द्वय खविन लुइटेल र लक्ष्मी गौतमले नेपाल पत्रकार महासंघ पाँचथर शाखाले स्थापना गरेकाे पत्रकार राहत कोषमा जम्मा गर्नुभएको छ । शाखाले आपत्त, विपदमा परेका पत्रकालाइ सहयोग गर्ने उद्धेश्यले पत्रकार राहत कोष स्थापना गरेको छ ।
