ज्योती भण्डारी ।। पाँचथर जिल्लामा आज ४८ जना संक्रमित थपिएका छन् । जिल्लाका विभिन्न स्थानीय तहमा गरिएको १ सय ३१ जनाको एण्टिजेन परिक्षणमा ४८ जना संक्रमित थपिएको जिल्ला प्रशासन कार्यालयको तथ्यांकमा उल्लेख गरिएको छ ।
यो संगै जिल्लामा कोरोनाको दोश्रो लहरमा संक्रमितको संख्या १ हजार ९ सय ८२ पुगेको छ । संक्रमित मध्ये १ हजार ४ सय २९ जना निको भैसकेका छन भने ६ जनालाइ जिल्ला अस्पतालको HDU मा राखेर उपचार भैरहेको छ ।
साथै कोरोनाको दोश्रो लहरमा २६ जना संक्रमितलाइ थप उपचारको लागि जिल्ला वाहिर रेफर गरिएको जिल्ला प्रशासन कार्यालयको तथ्यांकमा उल्लेख गरिएको छ ।
यता आजै जिल्लामा PCR परिक्षणको लागि ५३ जनाको स्वाव समेत संकलन गरिएको छ ।
