ताप्लेजुङ, फाल्गुन १५ गते : हेलिकोप्टर दुर्घटनामा पर्यटन मन्त्री सहित ७ जनाको मृत्यु। ताप्लेजुङको फुङलिङ नगरपालिका-१० तारेभीरमा हेलीकोप्टर दुर्घटना हुँदा पर्यटन तथा नागरिक उड्ययन मन्त्री रबिन्द्र अधिकारी सहित ७ जनाको मृत्यु भएको छ । आज दिउँसो सवा १ बजे एयर डाईनेष्टिको हेलिकोप्टर ताप्लेजुङको पाथीभरा मन्दिर दर्शन गरी काठमाण्डौ फर्कने क्रममा दुर्घटना भएको थियो । दुर्घटनामा पर्यटन तथा नागरिक उड्ययन मन्त्री रबिन्द्र अधिकारी सहित हेलीकोप्टरमा सवार मन्त्रालयका निर्देशक ध्रुब श्रेष्ठ, उप निर्देशक बिरेन्द्र प्रसाद श्रेष्ठ, पर्यटन ब्यवसायी आङ छिरिङ शेर्पा, पाईलट प्रभाकर के.सी., उप सचिव युवराज दाहाल र नेपाली सेनाका जमदार अर्जुन घिमिरेको मृत्यु भएको जिल्ला प्रहरी कार्यालय ताप्लेजुङले जनाएको छ । घटनास्थलमा जिल्ला प्रहरी कार्यालय ताप्लेजुङबाट प्रहरीको टोली खटि गई उद्धार कार्य तथा थप अनुसन्धान भईरहेको उक्त कार्यालयले जनाएको छ ।