ज्योती भण्डारी ।। पाँचथर जिल्लामा आज १२ जना कोरोना संक्रमित थपिएका छन् । जिल्ला भरी गरिएको २२ जनाको एण्टिजेन परिक्षणमा १२ जनामा संक्रमण पुष्टि भएको जिल्ला प्रशासन कार्यालयको तथ्यांकमा उल्लेख गरिएको छ ।
यो संगै जिल्लामा कोरोनाको दोश्रो लहरमा २ हजार ३ सय ४६ जना संक्रमित भैसकेका छन् ।
कोरोनाको दोश्रो लहरमा पाँचथरमा १ हजार ९ सय ९१ जनाले कोरोना जितेका छन भने २८ जनालाइ जिल्ला बाहिर थप उपचारको लागि पठाइएको छ ।
हाल जिल्ला अस्पतालको HDU मा १५ जनाको उपचार भैरहेको जिल्ला प्रशासन कार्यालयको तथ्यांकमा उल्लेख गरिएको छ ।
संक्रमित मध्ये ३ सय १ जना होम आइसोलेसनमा रहेका छन् ।
जिल्लामा आज ४८ जनाको PCR परिक्षणको लागि स्वाव संकलन गरिएको छ ।
