क्वारेन्टाइनबाट घर फर्किने बित्तिकै मृत्यु

पश्चिम सुर्खेतको जनता मावि विद्यापुर क्वरोन्टाइनमा बसेर घर गएका एक युवकको मृत्यु भएको छ । पञ्चपुरी नगरपालिका–१ का १९ वर्षीय युवकको घरमा बिहीबार बिहान मृत्यु भएको हो । उनी यही जेठ ९ गते भारतको मुम्बइबाट आएका थिए ।

बुधबार साढे ४ बजे आरडीटी जाँच गर्दा नतिजा नेगेटिभ आएपछि उनलाई घर पठाइएको थियो । नगरप्रमुख उपेन्द्रबहादुर थापाले स्वाब संकलन लागि स्वास्थ्यकर्मीको टोली त्यसतर्फ खटिसकेको जानकारी दिए । स्वाब परीक्षणको नतिजापछि मात्रै दाह संस्कारको टुंगो लाग्नेछ ।

इलाका प्रहरी कार्यालय बाबियाचौरका इञ्चार्ज प्रहरी निरीक्षक असरफ अलि अन्सारीका अनुसार राति १२ बजेतिर घर पुगेका ती युवकको बिहान सवा २ बजेतिर मृत्यु भएको हो । ती युवालाई घरदेखि ४०० मिटरको दूरीमा मौरीपालनका लागि निर्माण गरिएको घरमा होम क्वारेन्टिनका रुपमा बसालिएको थियो । रासस

तपाईको प्रतिक्रिया

सम्बन्धित समाचार