भक्तपुरको खरिपाटीस्थित क्वारेन्टाइनमा राखिएका सबै ९४ जनामा कोभिड(१९ नेगेटिभ देखिएको छ। विभिन्न देशबाट आएकाहरूको अन्तिम रिपोर्टमा कोरोना नेगेटिभ पाइएको स्वास्थ्य तथा जनसंख्या मन्त्रालयका प्रवक्ता डा. विकास देवकोटाले जानकारी दिनुभयो ।
आइतबार मन्त्रालयमा आयोजित नियमित पत्रकार सम्मेलनमा प्रवक्ता देवकोटाले खरिपाटी क्वारेन्टाइनमा रहेका सबै ९४ जनाको कोरोना परीक्षण नेगेटिभ आएको जानकारी दिनुभएको हो । सरकारले अन्तराष्ट्रिय उडानमा प्रतिबन्ध लगाएपछि गत चैत ९ गते नेपाल आएका उनीहरुलाई भक्तपुरको क्वारेन्टाइनमा राखिएको थियो ।
यसैबीच, प्रवक्ता देवकोटाका अनुसार आइतबारसम्म राष्ट्रिय प्रयोगशालामा १ हजार ५ सय २९ वटा नमुना परीक्षण गरिएको छ। उहाँले काठमाडौं र उपत्यका बाहिर पोखरा, जनकपुर, सुर्खेत, हेटौडा र धनगढीमा परीक्षण पनि परीक्षण भइरहेको बताउनुभयो । from:radionrn
