पाँचथर २३ जेष्ठ ।। सदरमुकाम फिदिममा भएको आगलागीका कारण १ घर पूर्ण रुपमा नस्ट भएको छ । संगीत मगर र कर्ण मगरको संयुक्त रुपमा फिदिम बजारमा रहेको घर आगलागीका कारण पूर्ण नष्ट भएको छ भने छेउमै रहेको कर्ण मगरकै अर्को घर तथा सावित्रा लिम्बूको घरमा आशिंक क्षती पुगेको छ ।
आगलागी भएको घरको छेउमा ठुल ठुला पक्की घर भएका कारण फिदिम बजार ठुलो क्षती हुनबाट जोगिएको हो ।
आगलागीमा परी मानविय क्षतीे नभएको प्रहरीले जनाएको छ । पूर्ण रुपमा क्षती भएको घरमा २ वटा होटल रहेका थिए भने एउटा फलफुल पसल समेत रहेको थियो । क्षतीको विवरण आउन बाँकी रहेको छ । के कती धनमाल जलेर नष्ट भयो भन्ने तथ्याङ्क संकलन भैरहेकोले क्षतीको विवरण आउन केही समय लाग्ने पाँचथर प्रहरी निरीक्षक अनिल पौडेलले जानकारी दिनुभयो ।
आगलागी भएको घरमा रहेको मिष्ठान्न भण्डारमा जेरी पकाउन आगोमा बसाइएको तेलबाट आगलागी सुरु भएको बताइएको छ । कच्चि घरमा रहेको उक्त मिष्ठान्न भण्डारबाट सुरु भएको आगोले घरको सिलिङ भेटेसंगै भिषण रुप लिएको थियो । बजारको मध्य भागमा आगलागी लगत्तै भेला भएका स्थानीय नागरिकहरु, प्रहरी, सशस्त्र, नेपाली सेना र फिदिम नगरपालिकाको दमकलको सहायताले आगो नियन्त्रणमा लिइएको थियो । भिडियोमा हेर्नुहोस पाँचथर आगलागी
